Në koncertin gala të më të mirëve u shpallën çmimet e edicionit të dhjetë. Laureate është Božana Goševa (violinë), laureat i dytë Jovan Muratović (violë), ndërsa laureate të treta Magdalena Komiloska (flaut) dhe Eva Malinovska (violonçel). Interpretuesi më i mirë i ri është Damjan Atanasov (piano).
Për interpretimin më të mirë të veprave maqedonase u shpërblyen Božana Goševa, e cila mori edhe çmimin e Fondacionit “Tomislav Zografski” për “Song for solo violin”, Mila Mančev (piano) për “Lutja e tretë e rrëfimit” të Risto Avramovskit dhe Aleksandra Karakačanova (flaut) për “Humoreskë” të Aleksandar Džambazovit.